Fikir Nama

جب انسان خدا کا مطالعہ کرتا ہے تو وہ سب سے بڑی غلطی یہ کرتا ہے کہ دراصل وہ خدا کا نہیں اس سوچ کا مطالعہ کر رہا ہوتا ہے جو اسے گھر سے ملی یا پہر معاشرے سے ملی انسان اپنی تربیت کی بنا پر مطالعہ کر رہا ہوتا ہے یہی وجہ ہے کہ انسان خدا کو مان کر بھی غلطی کر رہا ہوتا ہے اور خدا کا انکار کر کے بھی غلطی کر رہا ہوتا ہے۔خدا کو ماننے یا خدا کا انکار کرنے کے لیے جو سب سے زیادہ ضروری ہے وہ ہے فطرت کو سمجھنا جب ہم اپنے دماغ کو سب خرافات سے آزاد کر کے اپنی اس تربیت کو جو ہم نے گھر سے لی ہے یا معاشرے نے ہمیں دی ہے اسے ایک طرف رکھنا ہوگا کیوں کہ اگر آپ کے تربیت ایسی ہوئی ہے جہاں خدا سب کچھ کا مالک ہے تو آپ فطرت کو بھی خدا کے ساتھ خلط ملط کر دینگے اور اگر آپ کی تربیت ایسی ہوئی ہے جہاں خدا کا وجود ہی نہیں تو آپ خداکے ساتھ فطرت کا بھی انکار کر سکتے ہیں اور کبھی بھی فطرت کو سمجھ نہیں سکیں گے فطرت کو سمجھنے کے لیے ضروری ہے آپ ذھن کسی چیز کی پیداورا نہ ہو آپ خود ڈسکور کریں کہ معاملہ کیا ہے نہ کہ ان لوگوں کے پیچھے چلیں جن لوگوں نے فقط اس کی پیروی کی جو ان کے اپنے اپنے آئیڈیل تھے جسے شخصیت پرستی بھی کہا جا سک...

  میں چور ہوں اور میں پہلا چور ہوں جو اقرار کر رہا ہوں کہ میں چور ہوں جب اور جس دن بائیس تئیس کروڑ چور یہ اقرار کر لیں گے کہ ہم چور ہیں اس دن ھمارے معاشرے میں کوئی چور نہیں رھے گا کیوں کہ لفظ چور کی معنی ہے کہ وہ آدمی جس کے کرتوت کوئی نہ دیکھے کیوں کہ چور وہی ہے جس کے کرتوت ڈھکے رہیں جس کے کرتوت ظاھر ہو گئے وہ چور نہیں رہتا اب اس بات سے اندازہ لگائیں کہ فقط ھزار یا پندرہ سئو لوگ یہاں چور نہیں جو اسیمبلیوں یا سینٹ میں یا کچھ اور بیٹھے ہیں ان کے کرتوت ہمیں پتہ ہے تو وہ لوگ چور نہیں ہیں لیکن یقیناً وہ لوگ چور ہیں جو اکثریت میں ہیں جو ان ھزار پندرہ سئو لوگوں کو آگے دھکیل دیتے ہیں اپنی چوری چھپانے کے لیے اور بلیم کے لیے جن پر وہ آرام سے چوری کا اور دیگر بلیم لگا سکیں اور یہی وہ کرتے آ رہے ہیں جسے غالباً چوھتر سال کا عرصہ لگ چکا ہے اگر جسے یہ چور کہتے آئے ہیں اگر واقعی وہ چور ہوتے تو حالات نے بدل جانا تھا لیکن آپ کو معلوم ہے کہ حالات نہیں بدلے اب کیا یہ بات حقیقت نہیں کہ میں چور ہوں مجھے فخر ہے کہ میں یہ سمجھ سکا کہ یہ اقرار کر سکوں کہ میں چور ہوں جب میں نے یہ اقرار کر لیا ہے کہ میں چور...

میں نے اپنے دادا سے ایک بات سنی جو کہتے تھے کہ انہوں کسی اھل علم سے سنی تھی دادا نے بتایا کہ کسی زمانے میں دو بھائی رھتے تھے وہ ھر سال گندم کاشت کرتے تھے اور وہی ان کا گذر بسر تھا ایک سال انہوں نے گندم لگائی گندم کا فصل اگلے سال سے کچھ کم ہوا دونوں کا طریقہ یہ تھا کہ گندم کو دو حصوں میں تقسیم کرتے تھے اور پہر باری باری اپنے اپنے گھر لے جاتے تھے اس سال بھی انہوں نے ایسا ہی کیا اس زمانے میں بوریاں وغیرہ نہیں ہوتی تھیں ایک برتن تھا جس میں ڈال کر وہ اناج گھر لے جاتے تھے تو بڑے بھائی نے کہا آپ ایک باری اپنے حصے سے گھر لے جائو پہر تم سانس لینا میں اپنے حصے سے لے جائوں گا چناچہ چھوٹا بھائی وہ برتن بھر کر گھر کی طرف روانا ہو گیا پیچھے بڑے بھائی نے سوچا اس سال گندم کم ہے میں بڑا ہوں گذارا کر لونگا لیکن یہ چھوٹا مشکل میں آجاے گا تو اس نے اپنے حصے سے ایک جھولی بھر کر چھوٹے بھائی کے حصے میں ڈال دی جب چھوٹا بھائی آیا تو اس بار بڑے نے وہ برتن اپنے حصے سے بھرا اور گھر کو روانا ہوا تو پیچھے چھوٹے بھائی نے سوچا کہ گندم اس سال کم ہے میں اکیلا ہوں بھائی بال بچے دار ہے اس کو مشکل آ جائے گی اس نے اپنے ح...

ایک کے لیے موقعہ اکثر دوسرے کی غفلت  کی وجہ سے بھی میسر آتا ہے جسے موقعہ ملتا ہے وہ اپنی ایکٹیوٹی  کی بنیاد پر ہوتا ہے اور غفلت  ھمیشہ پچھتاوے اور نقصان  کی صورت میں اسے بھگتنی پڑتی ہے دنیا میں نظر ڈالیں گے تو روز مرہ کی زندگی  میں ایسے کئی واقعے آپ کو ملیں گی جو غفلت اور موقعے کو سمجھنے میں مدد کرتے ہیں لیکن افسوس ہم اتنی غفلت میں گھرے ہوئے ہیں کہ ان سے کچھ سیکھنے  کو بھی تیار نہیں۔ سندھ کا ایک شھر میرپورخاص جو آم کے لحاظ سے پورے پاکستان میں مشہور ہے یہاں آم کے باغات کافی حد تک ہیں اور ان کی کوالٹی سب سے ٹاپ پر ہے اس وجہ سے یہاں آم کا کاروبار اچھا خاصہ ہے۔ یہ واقعہ آم کی سیزن 2013 کا ہے میرپورخاص شہر کی ایک ٹرانسپورٹ کمپنی جو پورے پاکستان میں آم کی ترسیل کا کام سرانجام دیتی ہے جو 1975 سے غالباً یہ کام کر رہی ہے اسی ٹرانسپورٹ کمپنی کے ایک بیوپاری نے ٹرانسپورٹ کے مینیجر سے آم کے اوپر لگنے والے اسٹیکرز کے بارے میں بات کی کہ مجھے دس لاکھ اسٹیکر چھپوا کر دیں (سارے بیوپاری حضرات اپنے مارکہ کے اسٹیکرز چھپواتے ہیں اور یہ کام بھی ٹرانسپورٹ کمپنی کی مدد سے سر ...

  حضرت انسان کی شروعات کا منمبہ تکرار گواہی اور پہر انکار پر مشتمل ہے، کیسے وہ ایسے کہ اللہ نے جب آدم کو بنایا تو آدم کی شروعات فرشتوں شیطان اور اللہ کی تقرار سے شروع ہوتی ہے یعنی آدم کو شروعات میں ہی تنازعے کا سامنا رہا حالانکہ وہ تقرار آدم کی نہیں تھی آدم کا ڈاریکٹ اس تقرار سے کوئی تعلق نہیں لیکن جب اس تقرار کا نتیجہ برآمد ہوا یعنی فرشتوں کا اپنی بات سے رجوع اور شیطان کا اپنی بات پر اڑ جانا جب شیطان اللہ کی ذات سے انکاری ہوا تو اس نے فرشتوں کو گمراہ کرنے کی ذرہ برابر بھی کوشش نہیں کی کیوں کہ شیطان نے یہ جان لیا تھا کہ جو تقرار شروع ہوئی ہے اس کا سبب آدم ہے نہ کہ فرشتے کیوں کہ اس وقت شیطان اور فرشتوں نے ایک ہی موقف رکھا تھا تو شیطان نے آدم کو ٹارگیٹ کیا اس ٹارگیٹ کے نتیجے میں آدم ان ڈاریکٹ اس تقرار کا حصہ تب بنا جب آدم نے بھی غلطی کی اور شیطان کو اس کی پہلی کامیابی کا موقعہ فراھم کیا اس طرح آدم کو اس کی سزا ملی اور وہ اس تقرار میں شامل قرار پایا۔اس سے ظاھر ہوا کہ حضرت آدم کی شروعات ایک تقرار ہے۔ جو حضرت انسان کا پہلا فیلیوئر ہے۔ اس کے بعد کا معاملہ ہے گواہی کا آدم کے بعد بقایا پو...

  مکالمہ ڈاٹ کام پر میری ایک تحریر پوسٹ ہوئی تھی "احتجاج بمقابلہ کامیابی "جس کے بارے میں کچھ دوستوں نے تبصرہ کیا تھا تو میں نے یہ ضروری سمجھا کہ اس تحریر کو اور واضع کرنے کی ضرورت ہے جو نقطعہ واضع ہوا وہ یہ تھا کہ اگر احتجاج نہ کیا جائے تو کیا کیا جائے یا یہ کہ دنیا میں ھر جگہ احتجاج ہوتے ہیں تو یہ کیسے کر ممکن ہے کہ احتجاج کے علاوہ وہ کونسی ممکنات ہیں جن سے مسئلوں کا حل کیا جا سکے۔ ہمارے معاشرے کہ ایک یہ بھی المیہ رہا ہے کہ مسئلوں کی نشاندھی تو کی جاتی رہی ہے لیکن مسئلوں کا حل یا تو پیش نہیں کیا جا سکا یا سمجھ سے بالا تر رھا ہے۔ اس چیز کو ذرا سمجھنے کی ضرورت ہے کہ احتجاج کب کیا جاتا ہے اکثر احتجاج تب ھوتے ہیں کہ انفرادی طور پر یا اجتماعی طور پر اپنی بات کو منوانے کے لیے احتجاج کیا جاتا ہے اور اس احتجاج کو سامنے والے کی طرف سے بھی اکثر فورس کے ذریعے اس احتجاج کو نمٹانے کی کوشش کی جاتی ہے احتجاج بھی ایک فورس کا ہی نمونی ھوتا ہے یعنی فورس کے سامنے ایک اور فورس جب ایک معاملے میں دو فورس آمنے سامنے آجائیں تو فورس ہمیشہ منفی رویوں اور منفی نتیجوں کو پیدا کرتی ہیں جس سے ٹکرائو کا م...

  اج کوشش کرینگے کہ تقابل کا تقابلی جائزہ لیا جا سکے میں اسی معاشرے کا ایک چھوٹا سا حصہ ہوں یا یوں سمجھ لیجیے کہ بائیس تئیس کروڑ کی بھیڑ میں سے ہی ہوں۔ معاشرہ ھمیشہ افراد کا پیش خیمہ ہوتا ہے میں اس معاشرے کی جو صحیح تشخیص کر سکا ہوں وہ یہ ہے کہ ھم دو مقامات پر بلکل اناڑی ہیں اور ان مقامات کی ہی وجہ سے ہم اناڑی ہی رہ گئے ہیں ایک ہے معاملہ فھمی اور دوسرا ہے تقابل، معاملہ فھمی پر اگلی بار لکھنے کی کوشش کروں گا آج پہلے تقابل کو سمجھیں کچھ دن پہلے سوشل میڈیا پر ایک پوسٹ نظر سے گذری جو کہ کرونا لاک ڈائون کے درمیان اٹلی سے ایک تصویر تھی جسے ہماری اس بھیڑ میں سے کسی نے شیئر کی تھی جس میں دو حصوں میں دکھایا گیا تھا ایک حصے میں اٹلی کے کسے فلائی اوور کے نیچے کچھ لوگوں نے اشیاء خوردونوش رکھ دیں تھی کہ حسب ضرورت کوئی چاہے تو اسے استعمال کرنے کے لیے لے جا سکے لیکن مین بات پوسٹ میں یہ بتائی گئی تھی کہ یہاں فوٹو سیشن یا وڈیو گرافی کرنے والا کوئی بھی موجود نہیں تھا دوسری طرف ھمارے معاشرے کی ایک تصویر تھی جہاں کچھ حقیر سی چیز کسے دی جارہی تھی تو وہاں دینے والا تو کوئی ایک تھا لیکن ایک بھیڑ فوٹو س...